E enjte, 20 Janar, 2022
-3.5 C
Tirana

Berisha tentoi të marrë PD-në, ambasadorët i shkojnë Bashës në zyrë

Pas tentativës së djeshme të Sali Berishës për të marrë selinë blu, ambasadorët janë hedhur në veprim ndërsa kanë takuar sot kreun e PD-së Lulzim Bashën. Në selinë blu kanë shkuar ambasadorja e SHBA-së në Tiranë, Yuri Kim, ambasadori i BE, Luigi Soreca, si dhe diplomatët e Gjermanisë, Francës e Britanisë së Madhe.

Sali Berisha me mbështetësit e tij u futën dje brenda selisë, me argumentimin se do të organizonte një mbledhje. Në fund të mbledhjes, zhvilloi një konferencë ku dhe paraqiti referendumin ku do votohej për shkarkimin e Bashës. Në të njëjtën kohë edhe Lulzim Basha zhvillonte një mbledhje në një tjetër zyrë brenda selisë. Kjo situatë u shoqërua dhe me incidente e përplasje mes dy palëve të mbështetësve.

Basha shprehet i bindur se përjashtimi i ish-kryeministrit Sali Berisha nga grupi parlamentar demokrat, dhe shpallja e tij “non grata” nga amerikanët, nuk ka kthim pas. Nga ana tjetër, Berisha e ka cilësuar Bashën një kryetar katastrofë, i cili duhet të marrë një pushim të gjatë. Ish-kryeministri tha se kreu demokrat ka probleme me drejtësinë, dhe është i akuzuar për “pastrim parash”, por sipas tij ka qenë kryeministri Edi Rama ai i cili e ka shpëtuar nga kjo çështje duke mundësuar mbylljen e saj.

“Nuk do ta mbështesja, se tetë vite kryetar, njeriu e rindërton e ndryshon veten tetë herë dhe pas tetë vitesh del se vetëm 19% e anëtarësisë kanë votuar për kryetarin, ai është katastrofë. Më mirë ta sosë këtë mandat, dhe të marrë një pushim të gjatë.

Unë e kuptoj që Basha ka probleme të mëdha me drejtësinë, probleme të jashtëzakonshme jo vetëm me shqiptaren por dhe me belgët, po derisa të provohej fajësia në gjykatë, neni universal i prezumimit të pafajësisë vlen edhe për deputetin Basha. Tani që është shndërruar në një pre e SPAK-ut se e morët vesh që nuk e dërgoi dosjen në Gjykatën e Lartë, i akuzuar për “larje parash”, e mbylli Agaçi dhe nuk shkoi në Gjykatën e Lartë me urdhër të Edi Ramës. Të mos ndodhte ky revolucion, do bënte çmos që SPAK-un ta anëtarësonte në parti, gjysma këtej çerekun andej”, tha ai.

Lexo edhe :   “Qelbësirë, kam bo burg për ty”, makina e Bashës qëllohet me vezë
- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...