E hënë, 24 Janar, 2022
-3.5 C
Tirana

BE paralajmëron Rusinë ndaj një agresioni kundër Ukrainës

Ashtu si NATO, presidenti i SHBA-së dhe grupi i shtatë vendeve kryesore të industrializuara perëndimore këtë të hënë (13.12) edhe BE iu bashkua zyrtarisht korit të atyre që kërkojnë sanksione rë zgjeruara, në rast se Rusia si më 2014 sërish do të ndërhyjë në Ukrainë. Ekziston droja, se presidenti i Rusisë Vladimir Putin prej javësh ka udhëzuar marshimin e kontigjenteve të trupave ruse në kufirin me Ukrainën. SHBA bën fjalë për krijimin e vendstrehimeve për rreth 100.000 trupa. Në imazhet satelitore megjithatë nuk mund të dallohet qartë nëse në këto çadra janë vendosur njerëz.

Brüssel EU Außenminister Treffen

Në takimin e ministrave të Jashtëm të BE-së në Bruksel u dëgjuan parlajmërime të forta. Ministri i Jashtëm i Lituanisë, Gabrielius Landsbergis, u shpreh për një „luftë totale”, që po përgatit Rusia ndaj Ukrainës. Politikanë ukrainas javët e fundit paralajmëruan për një puç dhe një ndërhyrje të pritshme. Ministrja e re e Punëve të Jashtme të Gjermanisë, Annalena Baerbock, tha në mënyrë disi përgjithësuese, se „sovraniteti i Ukrainës” është i padiskutueshëm, që ne me sovranitet të plotë si europiane e europianë qëndrojmë në mbështetje të Ukrainës. Një “ndërhyrje” e Rusisë do të kishte pasoja të ashpra ekonomike dhe diplomatike”, tha Baerbock. Se çfarë sanksionesh mund të vendosen konkretisht, për këtë BE nuk jep të dhëna. Diplomatët megjithatë duhet të përgatisin shkëputjen e Rusisë nga rrjeti ndërkombëtar i pagesave.

I ngarkuari i BE-së me politikën e Jashtme, Josep Borrell, tërhoqi vëmendjen, se duhet përcaktuar se kur mund të kalohet vija e kuqe prej Rusisë. Do të mjaftojë për sanksionet një ndërhyrje e rregullt e trupave apo vetëm prania e të ashtuquajturve „burracët jeshil” pra ushtarët rusë pa shenjat zyrtare, në territoret e separatistëve në lindje rë Ukrainës? Synohet, që t’i tregohet, Rusisë, se një ndërhyrje në Ukrainës do të ketë një çmim të lartë, tha Borrell. Ndërkohë BE-ja po mendon për një mision kualifikimi për ushtrinë ukrainase. Sistemet mbrojtëse të armatimit, si raketat kundër dronëve ndërkohë janë duke u furnizuar nga SHBA-ja në Ukrainë.

Belgien Brüssel | EU für Außen- und Sicherheitspolitik | Josep BorrellMoska vazhdon të kërcënojë Si reagim ndaj konsultimeve në Bruksel zëvendësministri i Jashtëm rus, Sergej Rybakov ngriti tonin gjatë një pozicionimi në Moskë. Ai kërcënoi me masa ushtarake, në rast se SHBA dhe NATO nuk i përgjigjen kërkesave të Rusisë për garanci sigurie. NATO nuk duhet të ekspandojë më tej në lindje dhe duhet të heqë dorë nga instalimi i sistemeve të armatimit në kufirin rus. Sekretari i Përgjithshëm i NATO-s, Jens Stoltenberg në një intervistë për revistën “Frankfurter Allgemeine Sonntagszeitung” bëri të qartë, se anëtarësia e Ukrainës në NATO për momentin nuk shtrohet për diskutim. Më 2008 NATO e ka pranuar parimisht antarësinë, por nuk ka përmendur një datë konkrete. /DW

Lexo edhe :   Shtetet e Bashkuara pezullojnë 44 fluturime të linjave ajrore kineze
- Reklama -

Më shumë nga kategoria




Të fundit

Mungonin avokatët, GJKKO shtyn seancën ndaj Fatos Tushes

Gjykata Kundër Korrupsionit dhe Krimit të Organizuar ka shtyrë në datën 2 shkurt seancën në ngarkim të Fatos Tushes, ish-kryetarit të Bashkisë Lushnje dhe...

Rama: Presidentin e ri do ta zgjedhim ne, do i kthejmë dinjitetin asaj zyre

Kryeministri Rama tha sot në mbledhjen e Grupit Parlamentar, se Partia Socialiste do të nisë punën për zgjedhjen e Presidentit të ri të Republikës...

Mbyllja e shkollave për 3 ditë/Aktivistët: Ministrja bën meteorologen

Për tre ditë, shkollat do jenë të mbyllura për shkak të motit të acartë. Lidhur me këtë vendim, aktivistë të Qëndresës Qytetare kanë protestuar...

“E mbyllim në shkurt”/Rama mbledh Grupin Parlamentar të PS, ja çfarë do ndodhë

Në mbledhjen e Grupit Parlamentar, kreu i qeverisë Edi Rama iu është drejtuar socialistëve të angazhohen seriozisht në procesin e këshillimit kombëtar. Ai vuri...

Basha: Berisha po vë interesat e tij personale mbi ato të demokratëve!

Në Shqipëri zgjedhjet e pjesshme, të parakohshme lokale, më 6 mars, për të zëvendësuar kryetarët e gjashtë bashkive, që iu ka mbaruar mandati, priten...