Ish-kryeministri Sali Berisha ka publikuar disa foto tronditëse të gazetarit Dritan Kanapari, drejtues i një portali, i cili u dhunua në derë të shtëpisë së tij në Kavajë.
Siç duket në fotot e mëposhtme, gazetari ndodhet në gjendje të rëndë. Berisha dënon këtë akt kriminal, ndërsa shkruan se dhuna erdhi si pasojë e shkrimeve të tij kritike ndaj pushtetit.
Në mbyllje të postimit, ish-kryeministri i bën thirrje Prokurorisë që të nisë hetimet dhe të ndëshkojë autorët e këtij krimi.
POSTIMI I BERISHËS:
Kjo eshte liria e shtypit ne narko-shtetin e Norieges!
Te dashur miq, ky eshte gazetari, drejtuesi i portalit Buletini i Kavajes, Dritan Kanapari, qe u masakrua parembreme nga bandat e qeverise tek dera e shtepise, per shkrimet e tij kritike ndaj pushtetit.
Duke denuar dhe nje here me ashpersine me te madhe kete akt kriminal ndaj gazetarit Kanapari, i bej thirrje prokurorise se shtetit te nise menjehere hetimet per gjetjen dhe ndeshkimin e merituar ligjor te autoreve te ketij krimi te shemtuar ndaj lirise se mediave! sb
