Hyrja për në Parkun e Liqenit të Tiranës, është bërë me pagesë. Ndonëse më herët nuk është bërë publike një gjë e tillë, qytetarët tashmë hasen me ‘ligje’ të reja.
I ashtëquajturi qytetari digjital, njofton ish-kryeministrin Berisha se tek Parku Kombëtar i Liqenit kanë vënë roje dhe një tra.
Kalimi bëhet përkundrejt një shume, 1000 lekë të vjetra për një orë. Sipas qytetarit në fjalë, është një marrëzi e pa dëgjuar që të privatizosh një rrugë, në një park kombëtar, që është ndërtuar me forca vullnetare. Ai fajëson Bashkinë e Tiranës për këtë akt.
Sipas denoncuesit, ky është një gjest i ulët, ku po i rrjepin nga xhepat për hapësirat e përbashkëta të Parkut Kombëtar të Liqenit.
Statusi
Akt i papergjegjshem i Lal Plehut.
Vendos takse femijeve per tu futur ne parkun kombetar te Liqenit. Pafytyresi!
Lexoni denoncimin dhe shikoni foton e qytetarit dixhital. sb
Përshëndetje Doktor Berisha. Sot na u desh të shkonim për kafe dhe për të nxjerrë fëmijët të luajnë nga liqeni dhe i ramë nga Fakulteti Ekonomik duke kthyer tek rruga që të çon tek Sheqeri Pikant. Për habinë tonë aty ku duhet të jetë parku kombëtar i liqenit kanë vënë roje dhe një tra, të cilin e kalon vetëm po të paguash 1000 lekë të vjetra orën. Është marrëzi e pa dëgjuar që të privatizosh një rrugë në një park kombëtar që e kemi ndërtuar vetë me forca vullnetare kur ishim të rinj. Turp i madh për Bashkinë e Tiranës apo këdo që ka lejuar një paudhësi të tillë. Mirë parqet dhe lulishtet që na i zaptuan dhe i bënë pallate, por po na rrjepin nga xhepat edhe për hapësirat e përbashkëta të parkut kombëtar të liqenit. Shikojeni doktor, kjo foto live flet vetë më shumë se sa fjalët.
