“S’ka Kuvend që diskuton vendimet e SHBA-së!”. Ishte kjo deklarata që përcolli kryedemokrati Basha, duke sjellë edhe revoltën e Berishës. Ish-kryeministri njofton se nuk do të ndalet nga aksioni i tij. Sipas liderit historik të PD-së, Kuvendi Kombëtar do të shqyrtojë vendimin e marrë nga kryedemokrati Lulzim Basha për përjashtimin e tij nga grupi parlamentar i PD-së. Berisha vendos pikat mbi ‘I’, teksa nënvizon se Partisë Demokratike nuk i duhet nje lider i kapur peng, që bën pazar me Ramën dhe shpall “non grata” atë që ai e cilëson si bazën e partisë.
Kryetari i Partisë Demokratike, Lulzim Basha, është shprehur i vendosur për të mos lejuar mbledhjen e Kuvendit Kombëtarë të PD-së për Sali Berishën. Basha tha se nuk do të ketë mbledhje të Kuvendit të PD-së, për të shqyrtuar vendimet e qeverisë amerikane, duke iu referuar vendimit të DASH për shpalljen “non grata” të Sali Berishës.
Ja çfarë shkruan Berisha
Njoftim shtypi!
Per 8 vjet Edi Rama vazhdon te qendroje ne pushtet sepse eshte ne pazar me dike qe eshte shume i kenaqur te qendroje edhe 80 vjet ne opozite.
Kuvendi i PD do mblidhet ne perputhje me statutin e PD dhe askush qe tmerrohet prej tij nuk mund ta pengoje.
Ai nuk do te mblidhet per te shqyrtuar vendimet e asnje qeverie por vetem vendimet e pengut te Edi Rames.
Kuvendi do mblidhet gjithashtu per te shpetuar PD nga pazaret e peng Bashes me Edi Ramen dhe per t’u rikthyer dinjitetin dhe shpresen demokrateve pas 4 humbjesh radhazi perballe rregjimit me te korruptuar dhe inkriminuar te Europes.
PD nuk i duhet nje lider i kapur peng qe ben pazar me Ramen dhe shpall non grata bazen e partise i tmerruar prej saj. sb