Ish-kryeministri Sali Berisha, është i bindur se Partia Demokratike po shkon drejt fitores së sigurt të zgjedhjeve parlamentare të 25 prillit.
I ftuar në PolitikOn, Berisha u shreh se në të gjithë vendin ndjehet aroma e fitores, teksa sipas tij, kryeministri Edi Rama po xhiron në boshllëk.
Sali Berisha: ”Kjo është njëlloj sikur të gjesh një siamez në shkretëtirë. PD po shkon drejt fitores së sigurt. Në gjithë vendin ndjehet një aromë e fitores. Pollet dëshmojnë të njëjtën gjë. Për këtë fitore merita kryesore i takon atij që udhëheq, kryetarit dhe opozitës shqiptare.
Kam konstatuar që kudo ku shkoj, përfaqësuesit e opozitës në fushatë, ndjehet në këto takime optimizmi dhe fitorja. Njerëzit shohin Edi Ramën që xhiron në boshllëk.”
Sipas informacioneve paraprake, Berisha do jetë i pesti në listqn e kandidatëve për deputetë për qarkun e Tiranës.
Sot në mesnatë skadon afati për dërgimin e listave të kandidatëve për deputetë nga partitë politike në Komisionin Qendor të Zgjedhjeve, (KQZ).
