Kryeministri Edi Rama është intervistuar ditën e sotme nga Richard Grenell, ish o dërguari i presidentit Trump për dialogun Kosovë – Serbi.
I pyetur nga Grenell në median amerikane Newsmax për “non grata-n” e Berishës nga Departamenti Amerikan i Shtetit, Rama tha se ky është një realitet pikëllues, por tregon se askush nuk është mbi ligjin.
“Do të thoja se në njërën anë është pikëlluese që ta shohësh këtë realitet, por është sinjal që administratat amerikane vazhdojnë që të jenë zë i reformave në drejtësi. Për mua kjo ishte pak a shumë sikur njoftimi për mbarimin e tranzicionit dhe mbarimin e pandëshkueshmërisë. Askush s’është mbi ligjin”, tha Rama.
Ndër të tjera, Grenell e ka pyetur kreun e qeverisë në liodhje me vendimin e BE, për mos hapjen e negociatave me Shqipërinë dhe Maqedoninë e Veriut, ku ky i fundit e kritikoi unionin.
“BE-ja ka dhënë vlerësimin dhe premtimin që Shqipëria dhe Maqedonia e Veriut të anëtarësohen në BE. Në anën tjetër nuk ka vendim sepse BE-ja është e bazuar në vendim-marrjen e të gjitha shteteve dhe pastaj kur një shtet nuk pajtohet gjithçka ndalohet”, u shpreh Rama.
I spoke with Albania’s Prime Minster @ediramaal this morning and he made it clear….he’s frustrated with the EU. https://t.co/9F0cOqvDNf
— Richard Grenell (@RichardGrenell) June 24, 2021
