Kandidati për kryetar i Partisë Demokratike, Fatbardh Kadilli mendon se ish-kryeministri Sali Berisha nuk do të rikthehet në krye të partisë. Deklarata e Kadillit u bë ditën e sotme në emisionin ”Top Talk” në Top Channel.
Sipas Kadillit, deklarata e Berishës ka ardhur për shkak se Partia Demokratike ndodhet aktualisht, në krizën më të madhe që nga themelimi i saj.
Ndër të tjera, Kadilli tha se Berisha është më i zhgënyeri nga demokratët, në lidhje me Bashën.
Fatbardh Kadilli: “Gjatë kohës që Berisha ishte kryetar, PD-ja ishte më e fortë. Nuk besoj se Berisha do të rikthehet në krye të partisë. Por, ai deklaroi se kalon nga vetëkufizimi i tij, nuk do të jetë më një njeri që rri në distancë. Berisha e ka marrë këtë vendim pasi Partia Demokratike në këtë moment është në krizën më të madhe. Ai dukshëm po ai thotë ai që po mban partinë se ka humbur. Dukshëm po i thotë se mban përgjegjësi për atë që ka ndodhur. Berisha është më i zhgënjyeri nga të gjithë demokratët me Bashën”.
Mbrëmjen e djeshme, në emisionin ”Çim Peka Live” në Syri Tv, ish-kryeministri Berishau shpreh se do të rikthehej në poste drejtuese të partisë, duke mos përjashtuar as rikthimit si kryetar.
“Kurrë mos thuaj kurrë! Never say never! E kam përdorur me Ramiz Alinë dhe e përdor sot prapë. Po ecja në një drejtim dhe kam ndërruar. Drejtimi i PD? Nuk përjashtoj asnjë të drejtë timën kushtetuese më”, tha Berisha.
