Ish-Sekretari Ndërkombëtar i Lëvizjes Socialiste për Integrim dhe njëherësh një nga kandidatët që e ka emrin në listën për deputetë të LSI-së, Ralf Gjoni u përmend sot në emisionin “Të Paekspozuarit” si një nga njerëzit që ka pirë kafe sot me eurodeputetin Knut Flackenstein dhe me shumë gjasa pritet të hyjë si deputet i LSI-së në Parlament.
E pyetur për një gjë të tillë, zonja Kryemadhi nuk shfaqi asnjë shqetësim. Ajo pranoi se merkato për blerjen e deputetëve ka nisur tashmë.
“Zoti Rakipi vendimi i LSI është i qartë, s’ka asnjë hap pas. Kush do të shkojë në atë Kuvend është zgjedhja e tyre. Janë të pakonsiderueshëm për ne. Merkatoja e blerjes ka nisur, është rritur çmimi shumë”,- tha ajo.
Ndërsa ish-kryeministri Sali Berisha i ftuar në Ora News u shpreh se nuk përjashtohet që edhe kryebashkiakët të djegin mandatet. Po ashtu ai ka folur për deputetët që nuk pranuan të djegin mandatet, duke thënë se kanë përjashtuar veten.
“Nuk mund të kesh dy standarde. Ai është një vendim. Duhet përjashtuar edhe zonja Hajdari? Përjashton veten. Zt.Murrizi ka qenë në grup parlamentar, ka votuar. Nuk di se mund të adoptohen dy standarde”, u shpreh Berisha.
