Sikundër e njoftoi edhe më herët, sot ish-kryeministri Berisha ka mbledhur mbështetësit e tij në Lezhë, në 31-vjetorin e themelimit të PD-së në këtë qytet. Në fjalën e tij, Berisha u përqendrua në barazinë që kërkon t’i japë demokratëve mes Lulzim Bashës dhe Edi Ramës. Ai tha se Edi Rama dhe Lulzim Basha, duan të mbajnë peng pluralizmin në vend.
Nga Lezha, Berisha tha sot se Qeveria e ndërmori aksionin e mbylljes së lojërave të fatit për Lulzim Bashën, pasi sipas tij, bastet i kaluan një kompanie në Qipro që është 80% në pronësi të gruas së kreut të PD-së.
“Kur ndodhi vrasja në bllok, Edi Rama ndalon bastet. Po të kujt ishin bastet? Bastet ishin të Lul Bravës. Ky i dërgon dushanin në Prishtinë dhe Rama thotë se në Qipro 80% pronar i kompanisë ishte Lul Brava nën emrin e të shoqes”, tha Berisha.
