Ish-kryeministri Sali Berisha, ka zbuluar nga informacionet që ka nga rrethi i ngushtë se Lulzim Basha do të jetë kandidat për president. Këtë detaj e dha gjatë një interviste në emisionin “Zonë e Lirë”.
Berisha tha se kishte dëgjuar nga persona shumë të besuar se Basha ishte shprehur se ai do të ishte një prej kandidatëve për president të vendit.
E gjitha në kuadër të emrit të radhës, pasi mandati i kreut të shtetit aktual, Ilir Meta, përfundon në korrik.
“Ta vendosë që nesër, fakton vetëm atë që kam thënë unë. Se kam dëgjuar nga Rama, e ka thënë vetë Lulzim Basha. E kam dëgjuar 100% në rrethin tim”, tha ndër të tjera Berisha.
I pyetur më tej nëse nuk do të ishte përjashtuar nga ish-kreu i PD-së, ai tha se ka patur shumë insistime për t’u rikthyer jo vetëm nga brenda, por edhe nga miq të huaj.
