Pritja për vaksinën, tashmë i ka ardhur fundi. Popullata është në pritje të vaksinimit, ku sipas ekspertëve, vaksinat janë mbi 90 përqind efektive për parandalimin e infeksioneve me COVID-19.
Shpesh herë, skeptikët kanë ngritur teza të ndryshme rreth bërjes së vaksinës, e nga ana e mjekëve gjithmonë e më shumë i mëshohet fakti se do të kemi një jetë më të sigurtë nëse të gjithë e bëjmë një vaksinë të tillë.
Ky debat duket se ende do të zgjasë, pasi një video që është shpërndarë në rrjet, dëshmon një infemiere e cila pas bërjes së vaksinës, pëson gjendje të fikti.
Duket se vaksina i ka sjellë një reaksion të menjëhershëm, aq sa ajo të mos ishte në gjendje të fliste, e më pas të binte nga karrigia ku qëndronte.
Një kanal televiziv ‘News channel abc’ në Amerikë, ka publikuar pamjet ku shihet një infermiere e cila ka pranuar që të vaksinohet. Pas vaksinimit, infermierja filloi të kishte dhimbje koke, të cilat më pas u shoqëruan me humbje të ekuilibrit.
