Një ngjarje e cila ka tronditur qytetarët e Durrësit ka ndodhur ditën e sotme pranë sheshit “Pranvera”, ku dy të moshuar teksa po luanin domino janë revoltuar me njëri-tjetrin dhe debati ka degraduar në një akt tepër të rëndë.
Pasi shoku i tij ka tentuar ta djegë me benzinë, një 67-vjeçar ka përfunduar në spital.
Raportohet se ata fillimisht kanë akuzuar njëri-tjetrin për hile në lojë dhe situata është përkeqësuar tej mase në vijim.
I moshuari 65-vjeçar ka përfunduar në pranga, ndërsa i lënduari aktualisht ndodhet nën përkujdesjen e mjekëve.
