Dy edukatore në Berat kanë rezultuar pozitive me Covid-19. Ato ishin vetëkarantinuar në banesat e tyre që prej disa ditësh, bashkë me familjet dhe nuk janë paraqitur asnjë ditë në punë.
Një tjetër rast ne Covid-19 është regjistruar brenda ambienteve të IEPV Berat, ku pas infektimit të përgjegjësit të Regjimit të Brendshëm të burgut dhe një punonjëseje të administratës, edhe Infermierja e Burgut ka rezultuar pozitive. Infermierja e është karantinuar që prej ditës së djeshme, ndërkohë që Inspektoriati i Higjienës ka dezinfektuar ambientet e burgut dhe ka mbyllur përkohësisht infermierinë dhe disa reparte të brendshme.
