Kryesore

“Bën lojën e Ramës”, Manjani: Kam pasur mundësi të luaj e të bëj qejf me të


               Publikuar në : 11:34 - 21/01/20 M S

Ish- ministri i Drejtësisë i LSI, Ylli Manjani, e konsideron si një fyerje kur i thonë se po mban lojën e Ramës. Ish-ministri Manjani u sulmua më herët dhe nga Ilir Meta, sipas të cilit, Manjani po përdorej kundër presidentit.

Ndaj ai ka zgjedhur sërish të reagojë, dhe madje të argumentojë se ku qëndon problemi. Manjani sqaron që në krye të statusit se me kryeministrin ka pasur mundësi që të bashkëpunojë, ashtu sikundër shumë të tjerë sot. Por ky bashkëpunim ka qënë i pastër, dhe madje është ndarë me forcë nga ato që ai i cilëson si lojërat e Ramës.

Statusi

Sa më takon e konsideroj fyerje sentencën “kush flet për ndryshim sistemi bën lojën e Edi Ramës”!

Me Edi Ramën kam patur mundësi të luaj e të bëj qejf si shumë të tjerë sot. Por kam bashkëpunuar me sinqeritet dhe jam ndarë me shumë forcë prej lojrave të Tij edhe duke qenë brenda.

As kam luajtur e as luaj me Edi Ramën.

Ndaj e konsideroj Fyerje rë rëndë madje deklarimin se “…. bën lojën e Edi Ramës”! Gjithmonë për sa më takon mua. Nuk e di për të tjerë.

Sistemi zgjedhor, pra Proporcionali Ralonal që sot kemi është hajduti më i madh i votave. Ky është fakt e jo supozim. Merrni zgjedhjet e fundit e lexojuani rezultatin. PS me 48% duhet të kisjte 68 mandate, por bë fakt sistemi i dha 74 të vetat, pa aleatët.

Ku ta kërkojmë hajdutin, përveç se këtu te sistemi?!

As canabis e as mjetet e tjera të manipulimit nuk e siguruan dot këtë sasi mandatesh plot 6 të tilla, që jua dha sistemi.

Dhe përse nuk u dashka folur për sistemin?! Përse qenkemi me Edi Ramën kur i themi se ky sistem jo vetëm e mban në pushtet por në pushtet monist madje?!

Kush është me Edi Ramën, denoncuesit e sistemit hajdut, apo mbrojtësit e sistemit?! Kush është me Edi Ramën kritikët, apo ata që bëjnë marrëveshje me të?!

E përsëris: mbetem mbështetës i rotacionit dhe i rikthimit të pluralizmit politik. Mbështes pra opozitën zyrtare si institucionin e vetëm të demokracisë në vend.

Por, nuk pranoj fyerjen se qenkam me Edi Ramën!

Dhe PO, ky sistem pra Proporcionali Rajonal është hajduti më i madh i mandateve; është arma vrastare e padukshme e vullnetit të votuesve; është pabarazia më e madhe e vlerës së votës së njerëzve.

Këtë sistem e bëri dhe është vetë Edi Rama!

P.s. zakonisht mi dëgjojnë fjalët me vonesë dhe kur mi dëgjojnë nuk pushojnë duke më cituar. Kjo nuk më intereson. Por çështja e sistemit zgjedhor është thelbi i reformës zgjedhore!

Ndaj mjaft me sentenca fyerjesh, por të përëendrohemi tek problemi. Është krejt tjetër gjë pamundësia për ta ndryshuar! Por mbrojta e këtij sistemi është e gabuar!!!


Kthehu
WhatsApp Denonco ne TT