E hënë, 29 Nëntor, 2021
10.5 C
Tirana

Nikollë Tomeo, mësuesi shqiptar i Nikolla Kopernikut

Figura e Nikolla Kopernikut është e njohur botërisht dhe nga jeta e tij dihet shumëçka, duke filluar qysh me faktet biografike e duke vijuar me jetën e veprën e tij të shquar. Por, e errët mbetet lidhja e tij me një prej mësuesve të shumtë, dishepull i të cilëve ai ishte dhe falë të cilëve mori emrin e shquar dhe fitoi atë reputacion që vazhdon të gëzojë edhe shekuj më vonë.

 

Nikollë Tomeo

Bëhet fjalë për humanistin e shquar i cili ndriçoi në periudhën e Rilindjes në shumë prej shkencave e arteve që po lëvroheshin në atë periudhë, Nikollë Leonik Tomeo.

Nikollë Tomeo lindi në Venedik në vitin 1456. Prindërit e tij ishin me origjinë nga Durrësi dhe qenë shpërngulur kur zgjedha osmane e cila nuk ishte kurrë zgjedhje, u imponua me forcën e dhunës dhe politikën e njohur “përça e sundo”.

Figura e tij, e vlerësuar nga studiues evropianë, ndër duart e studiuesve shqiptarë duket se është trajtuar me një gjysëm tallje. Është profesoreshë Fatbardha Hoxha, studiuese e njohur dhe ish pedagoge për disa dekada në Universitetin e Shkodrës e cila në librin e saj studimor “Letërsia e hershme shqipe”, libër i përdorur si tërësi dispencash nga studentët, shkruan, pasi jep datëlindjen e sipërcituar se “…më 1430 mbrojti doktoratën në fushën e arteve”.

Libri në fjalë është botuar në vitin 2006 dhe, edhe këtë vit shkollor, u është shitur studentëve nga ana e profesoreshës! Sipas saj, Tomeo e ka mbrojtur doktoraturën 26 vjet para lindjes!

Duke u bazuar në fakte serioze, Tomeo na del si profesor në Universitetin e Padovas në vitin 1497 dhe aty merr edhe drejtimin e Katedrës së Filozofisë, post të cilin e mban për plot tetë vite.

Ishte i njohur si filozof, historian, astronom, fizikan, mjek, letrar e përkthyes. Ndër duart e tij kanë kaluar shumë figura të njohura, mes të cilëve veçojmë Nikolla Kopernikun, Pietro Bambin e Maksim Artiotin.

Njëri nga to do të shkruante për profesorin e tij:

Tomeo është njeri i jetës dhe i shkencës, filozof i ndritur, i ditur si në letërsinë latine, si në atë greke, ua ka lënë të tjerëve lakminë për pasuri, ndërsa vetë është kujdesur vetëm për dituri. Tomeo luftoi në rreshtat e parë për reformën humaniste në filozofi.

Pak kohë pasi botoi në tre vëllime kryeveprën e tij “Da varie historie” (Histori të ndryshme), në vitin 1531 ndërroi jetë duke lënë pas një emër të madh dhe me peshë në historinë e Rilindjes Evropiane dhe tërësisë së personazheve me vlera të rralla në kulturën shqiptare.

- Reklama -

Më shumë nga kategoria




Të fundit

Foltorja e Kuçovës dhe kuvendi i partisë: numrat, superstruktura e ideologjia

Nga: Genc Pollo 1-NUMRAT E KUÇOVËS E MË GJERË  Javën e kaluar isha i pranishëm në Foltoren e PD-së në Kuçovë; aty kam shërbyer si deputet...

Implementohet teknologjia e re për pozicionin jashtë loje

FIFA vjen me risi, ku do të implementohet teknologjia e re për pozicionin jashtë loje. Kjo teknologji të re, do të implementohet në Kupën...

Çfarë dimë për variantin Omicron, që po “gjunjëzon” botën

Varianti Omicron i COVID-19, paraqet një rrezik global "shumë të lartë", tha të hënën Organizata Botërore e Shëndetësisë (OBSH). Varianti, i klasifikuar zyrtarisht si 'B.1.1.529'...

Dha dorëheqjen javën e kaluar, kryeministrja e Suedisë rikthehet në detyrë

Magdalena Andersson, e cila dha dorëheqjen shtatë orë pasi u zgjodh si kryeministrja e parë femër e Suedisë javën e kaluar, është përzgjedhur sërish...

Ishte duke raportuar LIVE, gazetaren e ngacmojnë duke e prekur nga të pasmet

Një incident ka ndodhur me një gazetare sportive, e cila gjatë raportimit LIVE është ngacmuar nga një person. Por edhe ajo nuk ka qëndruar...