E hënë, 20 Shtator, 2021
28.5 C
Tirana

Bejko: Berisha është i plakur dhe i konsumuar, s’ka shanse të shkarkojë Bashën

Anëtari i Këshillit Kombëtar, njëherësh ish-kreu i PD Gjirokastër, Roland Bejko, ka kritikuar gjuhën e përdorur dhe vendimin e ish-kryeministrit Sali Berisha. Bejko u shpreh se Berisha është lider që s’premton, pasi është i plakur dhe i konsumuar. Sipas tij, ai nuk ka shanse që të shkarkojë Bashën nga kreu i PD.

Një ditë para mbledhjes së Parlamentit të ri, kreu i Partisë Demokratike, Lulzim Basha, i surprizoi të gjithë, ndërsa njoftoi se ka përjashtuar ish-kryeministrin Berisha nga grupi parlamentar i PD. Nga ana tjetër, Berisha i shpalli luftë liderit demokrat, dhe premtoi tur takimesh me demokratët në gjithë vendin. Por ish-kryeministri ende nuk ka hedhur asnjë hap për aksionin e tij, ndërsa Basha gëzon mbështetje të madhe në bazë dhe strukturat qendrore e lokale të Partisë Demokratike.

“Nëse ka diçka që Basha e ka mbushur kupën, ky është proces i gjatë. Aspektin moral Berisha nuk e ka. Flet për bashkim, por rrezikon ta çajë PD. Flet për bashkim, prurjen e saj në pushtet. Nuk mendoj që PD të vijë në pushtet me një lider që ka disa probleme, moshën, përkrahjen dhe konsumimin.

Faktori i katërt kundër është fakti që Berisha flet për bashkim dhe shoh se rreth tij bashkohen të gjithë. Por në parimin që armiku i armikut tim është miku im, do të gjejnë një mënyrë të rrëzojnë Bashën. Nëse flasim për të rrëzuar dikë që është legjitim, por është grusht shteti brenda partisë.

Kam përshtypjen që PD në këtë moment, mbështetësit e vetë janë ndarë në këto grupe. Edhe unë që kam një thes me kritika për Bashën, dua që PD të jetë e bashkuar, jam i paanshëm. Nëse Berisha e kishte parimore, ta ndërtonte në bazë parimi.

Ti thotë shqiptarëve që ka gabuar, ka kërkuar të bëjë mirë për demokracinë, të kërkojë falje për gabimet apo çfarë do të bëjë mirë. Të kthehet në aksion, të krijoj një parti të madhe, të gjithë faktorët që janë larguar, të pakënaqur dhe s’kanë besim te Basha.

Lexo edhe :   Meta merr në mbrojtje Berishën, akuzon Kim se po shkel sovranitetin e vendit

Garantoj që kryetari të zgjidhet jo ai që dua unë, jo të jem kryetar për kandidat. Pastaj të thotë që do pensionohet dhe më pas të japë mendim nga shtëpia. Po ndodh luftë për pushtet. Të ndryshosh mendim që nesër që të preket interesi, kjo është luftë pushteti.

Unë mendoj se do të tentojë Berisha, do të bëjë një testim, do të shohë si do të eci, faktorë që vetë nuk janë shprehur. Dhe vetë Basha nuk është shprehur. Me sa kuptoj, strategjia e tillë të thotë të bjeri vetë kjo gjë.

Berisha kur flet thotë diçka, ka peshë te demokratët. Demokratët janë të mërzitur dhe të trishtuar, janë të mërzitur me Bashën dhe fjala e Berishës mund të marrë peshë. Berishës i duhen 3 mijë firma të anëtarësisë, të Kongresit që të kërkojë ribërjen e Kongresit të PD. Them se nuk arrin deri këtu. Mendoj që Berisha nuk do të ketë mundësinë të shkarkojë Bashën.

Lexo edhe :   Lulzim Basha ka të drejtë

Nuk do e ketë mundësinë. Do tentojë, mund të mbledhë 3 mijë firma, por nuk arrin ta shkarkojë sepse nuk do të lihet nga faktorë të tjerë. Nuk do ta lënë PD të udhëhiqet nga një person me etiketën “non grata”. Edhe nëse nuk do ta kishte, prap është i konsumuar për një pjesë të madhe të opinionit.

Unë kam punuar shumë ngushtë me Berishën. Them që ka bërë shumë, nuk besoj kurrë që Berisha të ketë dosje korrupsioni. Berisha, gjëja më e mirë do të ishte të tërhiqej vetë. Pastaj le të thoshte të vërtetat. Pastaj ka vajza e djem PD që të mblidhnin firmat e të shkarkojnë Bashën. Basha do të jetë kryetar, PD nuk do të përçahet.

Basha duhet të shihet në pasqyrë, oferta për shqiptarët nuk është Basha që ka qenë. Ka mundësi të rikalkulohet, riformatohet dhe riformohet brenda vetes. Nuk mund t’u ofrohemi shqiptarëve me nivelin e Ramës. Basha duhet të ketë modelin e tij”, tha Bejko.

- Reklama -

Më shumë nga kategoria




Të fundit

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...

Debati në PD, Basha-Berisha na sjell edhe njëherë debatin për sovranitetin

Nga: Ben Andoni Në Shqipëri është e prerë dhe e menjëherë-pranueshme se nëse e thotë diçka apo e artikulon ambasadori i SHBA-së, atëherë deklarata ka...