Sipas Komisionerit për Zgjerimin Oliver Varhelyi, Bashkimi Europian ka mobilizuar mbi 700 milion euro për Ballkanin Perëndimor në luftën kundër koronavirusit.
Përmes një postimi në Twitter, ai bën me dije se 38 milion euro kanë shkuar për nevoja të menjëhershme, 374 milionë në ndihma bilaterale të rialokuara dhe 290 milion euro shtesë do të akordohen për të ndihmuar në rigjenerimin socio-ekonomik të rajonit.
Vendi që ka përfituar më shumë ndihma sipas raportit të BE është Serbia me rreth 94 milion euro në total. Më pas Bosnja (80.5), Kosova (68), Maqedonia e Veriut (66), Mali i Zi (53) dhe në fund Shqipëria e cila ka përfituar rreth 51 milion euro.
Over €700 million of #EU support in the fight against #coronavirus will go to #WesternBalkans: €38m for immediate needs, €374m in reallocated bilateral assistance & additional €290m have been identified to help socio-economic recovery of the region. https://t.co/K1e74M65qd pic.twitter.com/4CXUYZ0vxG
— Oliver Varhelyi (@OliverVarhelyi) April 8, 2020
Drejtpërdrejtë BE ka dhënë për Shqipërinë 4 milion euro për të siguruar pajisje të menjëhershme të kujdesit mjekësor, duke përfshirë 5 ambulanca të pajisura plotësisht, respiratorë, matës temperature dixhitalë dhe pajisje të kujdesit intensiv, shkruan “opinion”.
Rreth 47 milion euro janë dhënë nga Bashkimi Europian për përballimin e pasojave ekonomike të krizës së virusit.
