Sot avionët pa pilot, dronët, janë bërë mjetet më të përdorshme për sulmet specifike. Vendet që i zotërojnë ato, bëjnë diferencën në fushën e betejës. Azerbajxhani e fitoi së fundmi luftën me Armeninë, pikërisht falë dronëve ushtarakë turq Bayraktar TB2.
Ato janë krijuar nga inxhinieri turk i shkolluar në SHBA, Selcuk Bayraktar. Ky dron, kreu fluturimin e tij të parë në gushtin e vitit 2014. Ushtria turke ka në dispozicion 130 avionë të tillë.
Kostoja e njërit prej tyre është 5 milionë dollarë. Aktualisht, ai është blerë dhe përdoret nga ushtritë e Katarit, Libisë, Ukrainës dhe Azerbajxhanit. Ndërsa shumë shpejt me to do pajiset edhe ushtria serbe.
Ky dron është vlerësuar maksimalisht nga ekspertët për saktësinë e tij. Për shkak se dronët më të mirë amerikanë kushtojnë 80-120 milionë dollarë, Turqia po e ”pushton” me shpejtësi këtë treg.
Bayraktar TB2, ka një gjatësi 6.5 m, një peshë 650 kg, dhe arrin një shpejtësi maksimale prej 220 km/h. Ai mund të ngrihet deri në 8.200 lartësi, por zakonisht operon në lartësinë 5.500 metra.
TIRANA TODAY
https://www.youtube.com/watch?v=p8wjBt3dIIk
