Kryeministri i vendit, Edi Rama sot së bashku me kabinetin qeveritar ka udhëruar drejt Shkodrës, ku do të mbahet mbledhje e qeverisë për dy ditët e ardhshme.
Gjatë qendrimit në qytetin verior, Rama ka inspektuar dhe aksin rrugor Shkodër-Velipojë, i shoqëruar nga deputetët e qarkut të Shkodrës, por edhe nga drejtuesja e bashkisë, Voltana Ademi.
Ajo që ka tërhequr më shumë vëmëndjen ishin batutat që Rama ka shkëmbyer me kryebashkiaken e Shkodrës, Voltana Ademi.Rama është treguar më i qetë se herë të tjera, por nuk kanë munguar edhe “ngacmimet” ndaj Voltana Ademit.
“Më bëhet qejfi që ministri Bushati bashkohet me ne për këto çështje teknike”, ka thënë Ademi. “Bushati bashkohet po ti s’afrohesh”, është përgjigjur Rama.
Kryebashkiakja tha se po gjen gjuhën e përbashkët me Ditmir Bushatin.“Më bëhet qejfi që ministri bashkohet me mua”, tha Voltana Ademi. Ndërkohë Rama iu përgjigje se: Ministri bashkohet por ti nuk afrohesh. Dhe unë bashkë me të. Po ca të bëjmë ty ne.”, tha Rama.
Voltana i shprehu disa shqetësime të tjera Ramës në lidhje me rrugën e Velipojës për disa ndërhyrje që nevojiten për ta përmirësuar. Tama është treguar i gatshëm për këtë pjesë, ndërsa ka theksuar se aksi Shkodër-Velipojë është brenda standardëve dhe njëherësh do të jetë rruga, që do t’i shërbejë zhvillimeve të mëtejshnme të turizmit.
“Më kujtohet ai poeti i madh që thoshte ‘nga Shkodra deri në Vlorë’, sepse në Vlorë unë ndeshem me padurimin dhe ju këtu në Shkodër krahas Vlorës jeni. Me durim të gjitha gjërat zgjidhen. Siç e shihni durimi po na afron dhe me Voltanën, mendoni pastaj sa kollaj e kemi me Malin e Zi”, ka thënë Rama.
