Për analistin e njohur, Baton Haxhiu, e vetmja mënyrë që lideri i opozitës, Lulzim Basha të vijë në pushtet, është duke u bërë bashkë me kryeministrin Edi Rama.
I ftuar në “Zonë e lirë”, Haxhiu tha se më e mira për Shqipërinë do të ishte një koalicion i madh.
Ai shprehet se nëse elektorati i pabindur nuk del në zgjedhje, fitorja e Ramës do të ishte shumë e madhe.
“Rama nuk po luan për mandatin e katërt. Shpresoj që Shqipëria pas këtyre zgjedhjeve do ketë një lider të ri. Prova e parë e një gjenerate të re politike besoj do jenë me zgjedhjet bashkiake, nuk besoj që do ta kenë mandatin e rregullt. Nuk besoj që Rama ka nevojë për një mandat të katërt, nuk e di se çfarë ka ide ai, analiza ime është që qendra (elektorati i pavendosur) është sforcuar, ka nevojë për një figurë të re.
E vetmja mundësi për të ardh Lul Basha në pushtet është me Edi Ramën. Më e mira për Shqipërinë është një koalicion i madh. Nëse elektorati i pabindur nuk del në zgjedhje, fitorja e Ramës do të ishte shumë e madhe. Ata që janë të papërcaktuar nuk e duan Ilirin fare, një gjeneratë e re me sondazhe nuk e njeh kush është Shpëtim Idrizi,”- tha Baton Haxhiu.
