Në emisionin “Opinion”, gazetari Blendi Fevziu ka dhënë një mesazh ndaj të gjithë qytetarëve, të cilët janë sensibilizuar, duke kontribuar për të prekurit nga tërmeti në Durrës.
Ai tha se qytetarët duhet të jenë të kujdesshëm, pasi ndihmat e tyre duket se po shpërdorohen. Pra, po bëhet biznes me anë të ndihmave të tyre.
“Kam një mesazh. E para, ata që po shpërdorojnë ndihmat dhe që po mundohen të bëjnë biznes përmes ndihmave. Natyrisht se kudo ka matrapazë, palaço dhe lapanjozë që dëshirojnë të përfitojnë në këto situata. Por, nuk është etike në këto moment, siç thonë korrenspodentët. Batanijet që janë dërguar për ndihmë, po shiten nga 5 mijë lekë”, tha Fevziu.
Me mijëra ton dhe veshmbathje janë dërguar nga Kosova në Durrës dhe Thumanë, ku situata është më e rëndë. Shumë shqiptarë nga Kosova janë ankuar se nuk dinë ku të përkojnë, dhe të dorëzojnë ndihmat.
