Pas takimit me Komisionerin për Zgjerimin e BE, Oliver Varhelyi, kryedemokrati Basha foli për dy objektiva. Në një prononcim për mediat, kreu i PD-së, Lulzim Basha tha së zgjidhja e krizës politike dhe reforma zgjedhore janë dy objektiva madhore.
“Përshëndes dhe mirëpres ardhjen e një komisioneri si Varhelyi në portofolin e zgjerimit. Strategjinë e tyre unë dhe opozita e mbështesim gjerësisht. Gjetëm dakordësi të plotë se zgjidhja e krizës përmes zgjedhjeve paraprirë nga një reformë zgjedhore sipas kushteve të Bundestagut janë dy objektiva madhore.
Mirëprita ndihmën e BE që mundësoi dialogun politik për reformën zgjedhore jashtë parlamentit ilegjitim”, u shpreh Basha.
