Kryetari i Partisë Demokratike, Lulzim Basha zhvilloi takime me sipërmarrësit e biznesit të vogël në ”Rrugën e Durrësit’’dhe ”Myslym Shyri” në kryeqytet.
Sipas Bashës, konsumi ka shkuar në pikiatë, madje bizneset nuk shesin asgjë për ditë të tëra.
Basha thotë se bizneset paguajnë taskat, por qeveria nuk i ndihmon.
Ai kërkon që të zbatohet plani i propozuar i PD për rimëkëmbjen e ekonomisë.
Lulzim Basha: ”Konsumi ka rënë në pikiatë. Ka 4-5 ditë që nuk shesin asgjë, kanë hequr dhe punonjësit nga puna. Imagjinoni një situatë të tillë në qendër të Tiranës, dhe se si është gjendja kudo. Po shtohet numri i atyre që kanë humbur bizneset e tyre. Të sigurta kanë vetëm taksat, faturat e ujit dhe dritat. Prej 1 jave kemi propozuar planin me 5 pika, për rimëkëmbjen e ekonomisë. Kemi propozuar një çek prej 1 mijë euro këto 6 muaj për t’i ardhur në ndihmë bizneseve për shpenzimet e tyre. Bizneset po falimentojnë sepse nuk i’a dalin dot më. Nëse biznesi do t’i merrte në punë ata që kanë pushuar, me planin tonë do merrnin 200 mijë lekë për çdo punonjës. Kjo ndihmon dhe konsumin. Injektimi i këtyre parave do të ndihmonte ekonominë.”
Basha i bën thirrje kryeministrit Edi Rama që të ndalë vjedhjet 6 muajt e fundit dhe të ndihmojë bizneset.
Lulzim Basha: ”Kemi një njeri të papërgjegjshëm që përsërit fjalët vendosni maskën, lani duart. Harxhon paratë për të pasuruar një grusht oligarkësh. Shqipëria ka një qeveri dhe një kryeminstër që vjedh paratë e shqiptarëve. Vetëm me prokurime 300 milion euro abuzim ka nxjerrë KLSH. E gjithë paketa jonë shkon 313 milionë euro. Shqipëria i ka mundësitë, mjafton që në 6 muajt e fundit Edi Rama të ndalë vjedhjet. Po të ishim ne në qeveri do zbatonim planin, nuk do ishim në këtë gjendje. Të paktën do ishim si në vendet e rajonit. Kemi një kryeministër të papërgjegjshëm. Më thoni një vend në botë që vjedh edhe në kohë pandemie.’’
https://www.facebook.com/lulzimbasha.al/videos/1000914583757749/
