Kreu i PD-së, Lulzim Basha, ka bërë apelin e radhës për të ftuar të gjithë qytetarët në protestën e nesërme. Me anë të një video-je të shpërndarë në Facebook, kryedemokrati kujton edhe një herë se të gjithë shqiptarët duhet të bëhen bashkë në datën 25 maj, në orën 19:00, për të protestuar për zgjedhje të lira e të ndershme.
Po kështu, ai nënvizon se askush s’do i ndal, dhe se nuk do të hedhin asnjë hap pas.
“Të gjithë në Tiranë nesër, më 25 maj në orën 19:00, për të treguar vendosmërinë tonë për liri, për demokraci, për zgjedhje të lira e një qeveri nga populli, të popullit dhe për popullin, për Shqipërinë si e gjithë Europa. Asnjë hap pas!”.
