Në Ditën Ndërkombëtare kundër Korrupsionit, kreu i PD-së, Lulzim Basha, shkruan në “Twitter” se korrupsioni është arsyeja e të gjitha problemeve që ka vendi. Basha ka përsëritur kauzën e PD-së për Vettingun në politikë.
Kryedemokrati ka kërkuar që politika shqiptare të pastrohet nga njerëzit e lidhur me krimin dhe korrupsionin. Ai apelon për një angazhim dhe mobilizim të të gjithë shoqërisë, për të ecur me vendosmëri përpara në përballjen me korrupsionin dhe të korruptuarit.
Kreu i PD-së e mbyll mesazhin duke ripërsëritur se duhet mobilizim për pastrimin e politikës nga abuzuesit dhe njerëzit e lidhur me krimin dhe korrupsionin.
Statusi
Arsyeja pse fatkeqësisht Shqipëria renditet gjithmonë e më shumë e fundit për gjërat që ua lehtësojnë jetën shqiptarëve dhe e para për ato që ua bëjnë të pamundur atë, është #korrupsioni.
Është korrupsioni që varfëron qytetarët, që dëmton demokracinë, që shpopullon vendin, që vret besimin tek e ardhmja. Ndaj këtë #9Dhjetor, Ditën Ndërkombëtare Kundër Korrupsionit, përballë kapjes së shtetit nga paligjshmëria dhe pandershmëria, është koha për një angazhim dhe mobilizim të të gjithë shoqërisë për të ecur me vendosmëri përpara në përballjen me korrupsioni dhe të korruptuarit…
…për pastrimin e politikës nga abuzuesit dhe njerëzit e lidhur me krimin dhe korrupsionin, për një politikë të pastër në shërbim të familjeve shqiptare dhe mirëqënies së tyre. #vettingnëpolitikë
4/4 …për pastrimin e politikës nga abuzuesit dhe njerëzit e lidhur me krimin dhe korrupsionin, për një politikë të pastër në shërbim të familjeve shqiptare dhe mirëqënies së tyre. #vettingnëpolitikë
— Lulzim Basha (@lulzimbasha_al) December 9, 2021
