Kryetari i PD-së, Lulzim Basha ka zhvilluar një takim ditën e sotme me drejtues të suksesshëm të industrisë, infrastrukturës, dhe logjistikës, në rajonin e Friuli-Venezia-Giulia.
Përmes një postimi në Facebook, Basha thotë se i ka informuar ata për planin ekonomik të Partisë Demokratike.
Kryeopozitari shton se PD synon ta kthejë Shqipërinë në një vend tërheqës për investimet e huaja dhe kjo sipas tij do realizohet përmes politikave ekonomike dhe lehtësirave për të bërë biznes.
Postimi i plotë:
Sot u takova me drejtues të suksesshëm të industrisë, infrastrukturës, dhe logjisitikës, në rajonin e Friuli-Venezia-Giulia.
I informova për planin tonë ekonomik, i cili nis me çlirimin e tregut nga krimi, nga oligarkia dhe korrupsioni si dhe nga burokracia.
Përmes politikave ekonomike dhe lehtësirave për të bërë biznes, do ta kthejmë Shqipërinë në një vend tërheqës për investimet e huaja, konkurrues me çdo vend tjetër në rajon.
Zhvillimi ekonomik dhe punësimi, janë prioriteti kryesor i PD. Investimet e huaja janë jetike për rritjen e punësimit dhe zhvillimin e ekonomisë.
Plani ynë ekonomik ka një fokus të rëndësishëm në këtë drejtim. Por së pari duhet garantuar konkurrenca e ndershme dhe luftuar korrupsioni që sot i mban investitorët larg vendit tonë
