Kryetari i Partisë Demokratike, Lulzim Basha ka zhvilluar ditën e sotme një takim me disa nga ekspertët e vendit në fushën e emergjencave civile, me pedagogë inxhinierë, gjeologë, arkitektë, ekspertë të sizmologjisë dhe të ndërtimit.
Ky takim u realizua për t’u konsultuar rreth masave që duhet të marrë Shqipëria për normalizimin e situatës sa më shpejt, si dhe për marrjen e masave për të ardhmen.
Basha nënvizoi se vendi ynë ka burime të mjaftueshme njerëzore, por kërkohet koordinim, mbështetje dhe financim.
“Një nga problemet e ngritura në takim nga ekspertët sizmologë është që Shqipëria nuk e ka të plotë rrjetin e saj sizmik, nuk ka financimet e duhura dhe Instituti i Sizmologjisë është përjashtuar nga oponenca sizmike e ndërtimeve”, thuhet në njoftimin e PD-së.