Kryesore

Basha: Shqipëria si Koreja e Veriut, të largojmë hajdutin psiqik

               Publikuar në : 11:31 - 18/08/19 Enno

Kreu i Partisë Demokratike, Lulzim Basha ka publikuar një tjetër video në Facebook, me anë të së cilës akuzon kryeministrin Rama se ai i ka përzënë investitorët e huaj dhe i ka zëvendësuar ata me klientë të tij.

Basha shprehet se të gjitha raportet ndërkombëtare e tregojnë Ramën si kryeministrin më të korruptuar në Ballkan. Sipas tij, Rama nuk ka sjellë asnjë investim të huaj në 6 vjet, teksa bën krahasimin e shtetit tonë me atë të Koresë së Veriut, si dy vendet e vetme në planet pa një investim të ri vitet e fundit.

Postimi i plotë:

Të gjitha raportet ndërkombëtare tregojnë me gisht Edi Ramën si kryeministrin më të korruptuar të Ballkanit. Ai vjedh Shqipërinë me një bandë oligarkësh grabitqarë dhe pastron paratë e drogës dhe krimit.

Për të mbrojtur bandën e tij, Edi Rama përzuri investitorët e huaj dhe i zëvendësoi me klientët e tij. Të gjitha investimet perëndimore po largohen nga Shqipëria.

Asnjë investim të huaj nuk ka sjellë Hajduti Psiqik në Shqipëri në 6 vjet. Shqipëria dhe Koreja e Veriut janë të vetmet vende në planet, pa asnjë investim të ri të huaj në 6 vitet e fundit.

Pa investime të huaja nuk ka zhvillim ekonomik, nuk ka vende të reja pune, nuk ka mirëqenie. Investimet e huaja janë të domosdoshme për çdo vend. Me Edi Ramën nuk ka investime, nuk ka zhvillim, nuk ka punësim, por vetëm grabitje, vjedhje, varfëri dhe papunësi.

Që të zhvillojmë ekonominë dhe të marrim investime, duhet të largojmë hajdutin psiqik dhe bandën e tij. #HajdutiPsiqik #Ramaik#ShqipëriaSiEuropa

Kthehu
WhatsApp Denonco ne TT