Kryetari i Partisë Demokratike Lulzim Basha në një intervistë për “The Irish Times” ka theksuar se shpreson që Bashkimi Evropian do të nisë menjëherë negociatat me Shqipërinë.
“Shqipëria është ndoshta vendi i parë në historinë moderne pa një Gjykatë të Lartë, pa një Gjykatë Kushtetuese, pa prokuror të përgjithshëm, me një Parlament me vende të paplotësuara, dhe me një kryeministër që qeveris me dekrete pa asnjë limit institucional për pushtetin e tij”, ka thënë ndër të tjera Basha.
Kreu i PD-së ka theksuar se “kemi një gjyqësor të paralizuar”. “Si rezultat kemi një gjyqësor të paralizuar dhe asnjë politikan apo figurë e krimit të organizuar nuk është përballur me drejtësinë. Përkundrazi, një numër i çështjeve të nivelit të lartë të korrupsionit janë anashkaluar nën ndikimin e qeverisë, duke siguruar pandëshkueshmëri për të akuzuarit”, ka deklaruar Basha.
