Sheh dhe dëgjon për shumë njerëz të famshëm dhe të pasur dhe mendon se ata nuk kanë ndjerë kurrë dhembje, apo se nuk kanë dështuar kurrë në jëtë. Në fakt është e kundërta, sekreti qëndron tek këmbëngulja, ata kanë dështuar një herë ose dy herë në jetë, por nuk janë dorëzuar kurrë…Ja dy prej tyre:
Arnold Schwarzenegger, lindur në 1947 në Graz të Austrisë, ishte djali i një babai të alkolizuar, Gustavit që ishte polic dhe nuk e kishte qejf aq shumë Arnoldin sa ç’kishte vëllain e tij më të madh. Është raportuar se Gustavi e rrihte dhe frikësonte Arnoldin pa ndonjë arsye thelbësore. Kur Gustavi vdiq në 1972, Arnoldi refuzoi të merrte pjesë në funeralin e tij dhe nuk mori pjesë as në funeralin e vëllait të tij më të madh që vdiq në një aksident me motor në 1971.
Schwarzenegger shkoi në Shtetet e Bashkuara në 1968, mori shtetësinë amerikane dhe filloi të ndiqte ëndrrat e veta. E gjeti veten në industrinë e filmave në Hollywood. Pjesëmarrja e parë në film i dha “Golden Globe Award for Best Newcomer” për performancën në filmin “Stay Hungry” në 1976. Filma të tjerë përfshijnë “Conan the Barbarian” dhe “The Terminator”.
Në 2003, konkuroi për t’u bërë guvernator i California dhe fitoi. Fitoi përsëri në 2006 dhe la zyrën në 2011 për t’iu rikthyer filmave me “The Expendables 3” në 2014 dhe “Terminator Genisys” në 2015.
Ai është gjithashtu aktivist kundër ngrohjes globale dhe mban fjalime motivuese para miliona njerëzve në botë.
John Rockefeller
John Rockfeller njihet si më i pasuri në historinë moderne. Pasuria e tij neto pothuaj barazohet me atë të mbretit Mansa Musa të Malit, i konsideruar si një nga më të pasurit në historinë e njerëzimit.
Rockefeller lindi në 1839 në Richford, New York nga një baba shitës dhe një nënë shtëpiake dhe nuk mbaroi studimet e larta. Mësoi të bënte biznes nga babai i tij William Avery Rockefeller që jepte para me interes. John-it nuk i pëlqente shkollimi dhe pasi mbaroi kolegjin tregtar, ndoqi një kurs tre-mujor për llogaritar.
Kur ishte 31 vjeç, në 1870, themeloi kompaninë e naftës “Standard Oil Company”, që është rafineria më e madhe e naftës në botë dhe zotëron 70 përqind të depozitave të naftës në botë.
Përveç kompanisë së naftës, ai zotëronte 9 banka, 16 kompani hekurudhash, 6 kompani avulloresh, 9 kompani për shit-blerjen e pasurive të paluajtshme dhe 6 kompani të çelikut. Si i krishterë i devotshëm, ai bënte bamirësi duke u dhënë falas njerëzve në nevojë dhe krijoi Fondacionin Rockefeller.
Vdiq në moshën 92 vjeçare duke lënë pas 12 rregulla, midis të cilave edhe këtë: “Nëse je i varfër, fillo të bësh biznes. Nëse nuk ke asnjë qindarkë, duhet të fillosh menjëherë biznesin me gjithë çfarë ke (çfarë mundesh).”/TiranaToday