E premte, 28 Janar, 2022
9.5 C
Tirana

Basha shkrin grupin “puçist” të “Foltores”, zbardhen udhëzimet për deputetët

Dje kryedemokrati Basha u shpreh i vendosur për të spastruar Partinë Demokratike nga njerëzit e ish-kryeministrit Sali Berisha. Rreshtimi krah Berishës, duket se iu ka kushtuar shumë Edi Palokës, anëtarëve të kryesisë, Flamur Nokës, Aldo Bumçit, Gent Strazimirit, Albana Vokshit, Oerd Bylykbashit si dhe sekretarëve Ervin Minarolli, Ivi Kaso, Belind Këlliçi e Ledina Mandia.

Ish-kryeministri Berisha mbajti dy ditë më parë Kuvendin Kombëtar të PD-së në ambientet e stadiumit “Air Albania”, ndërkohë që gjatë punimeve të kësaj mbledhje ai shoqërohej nga disa deputetë dhe eksponentë të lartë të Partisë Demokratike, si Edi Paloka, Albana Vokshi, Belind Këlliçi, Flamur Noka, etj.

Për Bashën, kjo është një sjellje në shkelje të statutit të PD-së, dhe për pasojë është proceduar me votimin për shkarkimin e tyre në mbledhjen e djeshme të Këshillit Kombëtar të Partisë Demokratike. Përmes një votimi të fshehtë, 251 anëtarë të Këshillit Kombëtar kanë vendosur shkarkimin e Edi Palokës si Kryetar i Këshillit Kombëtar të PD-së dhe largimin e 9 anëtarëve të Kryesisë.

Jemin Gjana bëri me dije se vetëm katër persona kanë dalë kundër shkarkimit të Palokës dhe anëtarëve të Kryesisë, propozim i bërë dy ditë më parë në Kryesinë e Partisë Demokratike.

“Nga 257 anëtarë të Këshillit Kombëtar që morën pjesë në votim, 251 votuan pro shkarkimit, 4 kundër dhe 2 fletë votimi të pavlefshme. Numri total i anëtarëve të Këshillit është 479. Pas pak, do të bëhet transparencë e plotë me emrat e anëtarëve të Këshillit Kombëtar që morën pjesë në votim dhe përbëjnë shumicën absolute të Këshillit Kombëtar”, deklaroi Gjana në përfundim të votimit.

Demokratët që munguan në mbledhjen e Kryesisë dhe u shkarkuan:

Edi Paloka (Kryetar i Këshillit)

Lexo edhe :   Basha: Rama udhëton me charter luksoz me paratë e shqiptarëve

Anëtarët e Kryesisë:

Flamur Noka

Aldo Bumçi

Gent Strazimiri

Albana Vokshi

Oerd Bylybashi

Sekretarët

Ervin Minarolli

Ivi Kaso

Belind Kelliçi

Ledina Mandia

Zbardhen udhëzimet e Bashës për deputetët

Këshilli Kombëtar konfirmoi unanimisht se lufta kundër korrupsionit dhe pandëshkueshmërisë në sferat e larta, është një element kyç për vendosjen e shtetit të së drejtës dhe integrimin e vendit në BE.

Me votim të fshehtë dhe pasi konstatoi thyerje flagrante statutore dhe ligjore, Këshilli votoi shkarkimin nga funksionet partiake të emrave të propozuara nga Kryesia e Partisë Demokratike.

Pas përfundimit të kësaj mbledhje, burime nga selia blu bëjnë me dije se kryetari Basha mblodhi edhe grupin parlamentar të Partisë Demokratike.

Lexo edhe :   Meta i "sfidon":Koalicioni “Bravo-Brava” të ketë kujdes, do i recitoj “Ina-Ina”

Në këtë mbledhje, Basha u dha udhëzime deputetëve demokratë, që në veçanti t’u gjenden pranë familjeve dhe bizneseve që kanë vuajtur pasojat e përmbytjeve të ditëve të fundit. Basha kërkoi nga deputetët që po kështu, aktivitetin parlamentar të javës ta ndërthurin me aktivitetin përgatitor në strukturat e partisë, në lidhje me përgatitjet për Kuvendin Kombëtar të thirrur nga Kryesia e Partisë Demokratike këtë të shtunë, në datë 18 dhjetor.

“Basha e përcaktoi 18 dhjetorin si një ditë vendimtare për të ardhmen e PD-së, në të cilën nuk do t’u flasë vetëm demokratëve, por gjithë shqiptarëve, e që do të projektojë modelin e ri të funksionimit dhe të aktivitetit politik të Partisë Demokratike”. Sipas kreut të PD-së, në Kuvendin e 18 dhjetorit do të merren vendime të rëndësishme, të cilat do ta shndërrojnë Partinë Demokratike në një forcë politike moderne, për t’u dhënë shqiptarëve një model qeverisës të shkëputur nga e kaluara, dhe për të sjellë ndryshimin që meritojnë të gjithë.

- Reklama -

Më shumë nga kategoria




Të fundit

Fakte të panjohura mbi shkencëtarët më të famshëm të të gjitha kohërave

Ju ndoshta mund t’i njihni emrat e këtyre figurave historike të shkencës, si dhe zbulimet e tyre më të famshme. Por ndoshta mund të...

Pas acarit, rikthehen reshjet e shiut. Si do të jetë moti për këtë fundjavë

Reshjet e shiut pritet të jenë prezente që në orët e para të 24-orëshit të ditës së shtunë, në pjesën më të madhe të...

Shp*rthimi në banesën e Dukës, 34-vjeçari i arrestuar me shenja dj*gie në dorë

34-vjeçari i arrestuar për vendosjen e tritolit në banesën e kreut të Federatës Shqiptare të Futbollit, Armand Duka, rezulton me shenja djegie në dorë....

Pa të dashurën me shokun e tij, detaje nga sherri me th*ka në Berat

Detaje të reja janë hedhur në dritë sa i takon sherrit me thika në Berat, ku dy persona përfunduan me plagë të shumta në...

Faza e fundit e konfliktit dhe fati i “Foltores”

Nga: Ergys Mërtiri Pas muajsh tensione që degjeneruan deri në konfrontim fizik, përplasja Basha-Berisha po fillon të zbehet, ndërsa revolucioni i organizuar nga foltorja shkon...