Kryetari i Partisë Demokratike, Lulzim Basha flet nga “Çadra e Lirisë” për takimin e zhvilluar sot me Edi Ramën.
Në takimin me Ramën shkova me kushtin e panegociueshëm për zgjedhjet e lira e të ndershme. Në atë takim nuk isha për interesat e mia, por për interesat e qytetarëve. Zgjedhjet e lira e të ndershme janë kusht i panegociueshëm. Shqipëria është në krizë politike dhe kërkohet një zgjidhje. Ne ofruam gjithçka për arritjen e një zgjidhje. Por Rama nuk kërkon zgjidhje, sepse ai u tërhoq edhe nga propozimet që kishte bërë një javë më parë. Kryeministri është i vetmi që po pengon zgjidhjen në vend. Ai harron se pa pasur një zgjidhje politike nuk do të këtë zgjedhje në vend. Zgjedhjet e lira e të ndershme nuk i dorëzojmë dhe nuk i japim kurrë”, tha kryetari Basha
Kreu i PD-së, Basha tha, gjithashtu, se droga dhe krimi janë kërcënimi kryesor për zgjedhjet në Shqipëri dhe për të ardhmen në vend.
Kyetari Basha deklaroi se ata nuk do të rrinë duarkryq para kupolës së drogës. “Shqiptarët do të jenë të bashkuar për t’i thënë jo krimit dhe drogës. Kjo është koha për të rrëzuar Republikën e vjetër. Më 7 maj çlirojmë Kavajën nga krimi dhe droga. Të dielën në Kavajë do të nisë një protestë mbarëpopullore që do të shtrihet në të gjithë Shqipërinë”, tha Basha.
