Kreu i PD-së Lulzim Basha së fundmi ka publikuar në rrjetin social Facebook një video në të cilën shfaqet kryeministri Edi Rama duke folur për çështjen e Teatrit Kombëtar.
Në video, jepet deklarata e 30 korrikut të këtij viti në konferencë me gazetarët e kryeministrit Rama, i cili thotë ndër të tjera: “Asnjë cm i truallit nuk do të përdoret për zhvillim privat. Zhvillimi privat vjen pas murit rrethues të Teatrit”. Por kjo deklaratë sipas Bashës është e pavërtetë: “Hajduti psiqik ka marrë dhjetëra miliona euro nga klanet e drogës për të ndërtuar 6 kullat 200 milionë euro. Njësoj si Veliera e Dakos së tij, kjo është grabitje dhe vjedhje e pastër. Shikoni si mashtron haptas hajduti psiqik”.
