Kreu i Partisë Demokratike, Lulzim Basha ka konfirmuar vijimin dhe intensifikimin e protestave nga ana e opozitës. Kryedemokrati foli për mediat pas përfundimit të mbledhjes me kryetarët e degëve.
I pyetur nga gazetarët lidhur me vendimin e Kolegjit të kryetarëve, Basha tha se vendimi është në fuqi dhe se protestat do të vazhdojnë dhe do të fuqizohen nga dita në ditë.
“Do t’ju informojmë për çdo datë dhe për çdo zhvillim. Vendimi i kryesisë është në fuqi, këto janë takime organizative.
Protestat do të vazhdojnë dhe do të fuqizohen nga dita në ditë, nga java në javë, deri sa të realizojmë atë që do çdo shqiptar. Zgjedhje të lira e të ndershme, një qeveri nga populli, për popullin dhe të popullit”, tha kryedemokrati.