Kryetari i PD-së Lulzim Basha gjatë fjalës së tij përpara gazetarëve në selinë blu ka deklaruar se vendi ka hyrë në një krizë të paprecedentë.
Basha theksoi se kur PD të vijë në pushtet “do të shkatërrojë korrupsionin”.
“Shqetësimi për ekonominë shqiptare ka tejkaluar çdo lloj kufiri. PD kur të vijë në pushtet do të shkatërrojë korrupsionin, me të ashtuquajtura PPP, koncesionet e tjera. Partia Demokratike do të bëjë hapa përpara duke kapur hapat e Serbisë, e cila falë investimeve gjermane ka bërë që pagat atje të jenë 1200 euro.
Kriza ekonomike me gjithë dimensionet e saj e kemi në fokus të takimeve me krerët më të lartë të CDU-së. Unë kam biseduar me partnerët tanë gjermanë dhe ata më kanë dhënë mbështetje për investime gjermane.
Korporatat gjermane shohin te Shqipëria një potencial të madh të pashfrytëzuar. Së paku, të bëhet ajo që ka ndodhur në Serbi, transferimin e metodave gjermane për aftësimin profesional të rinisë në Shqipëri.
Nuk ka pse rinia të ikë në Gjermani a shtete të tjera, por të rinjtë të kenë pagë dinjitoze. Ne duam pse jo edhe superioritetin e tregut të punës në Shqipëri me çdo treg rajonal. Ky është plan konkret nga ne në bashkëpunim me kristiano-demokratët gjermanë. Qeveria vetëm ka larguar investitorët. Do të zhbëjmë korrupsionin. Do ndjekim penalisht çdo PPP korruptive dhe nxjerrja jashtë të kalçetos së korrupsionit”, tha Basha.
