Përgjatë fjalës së tij në Akademinë Politike të FRPD-së, Kreu i PD-së Lulzim Basha parashtroi edhe pjesë nga programi i opozitës.
Ai tha se është emergjente të ndalet eksodi i mjekëve dhe infermierëve dhe kjo sipas tij bëhet vetëm duke garantuar paga dinjitoze dhe kushte pune më të sigurta.
“Vetëm nga emigracioni, për vitin 2018, humbja për ekonominë është 560 milion euro, ndërkohë që në spitalet tona s’ka më mjekë dhe infermierë. Në programin tonë parashikojmë të rrisim pagat e mjekëve deri në 1200 euro, ndërsa infermierëve në 700 euro. Vetëm në këtë mënyrë ne do të arrijmë të përmbushim nevojat e vendit me staf mjekësor dhe për t’u dhënë shërbime kudo ku jetojnë bashkëqytetarët tanë”, deklaroi Basha.
