Kreu i Partisë Demokratike, Lulzim Basha shprehet se 30 qershori është varreza politike e Edi Ramës, shokut të avdylajve dhe bandave të krimit.
Përmes një postimi në “Facebook”, Basha shkruan se shqiptarët janë ngritur në këmbë në betejën “Për Shqipërinë si gjithë Europa”.
“Shqiptarët janë ngritur në këmbë në betejën kombëtare për Shqipërinë si gjithë Europa. Boll më me Shqipërinë që duan vetëm ata! Tani është koha për Shqipërinë e të gjithë shqiptarëve! Asnjë hap pas”, shkruan kreu demokrat.
Kujtojmë se opozita ka paralajmëruar se protesta e radhës kombëtare do të organizohet më 21 qershor, në orën 20:00. Kjo protestë zhvillohet vetëm 9 ditë nga data e zgjedhjeve lokale, që u shfuqizua më 8 qershor nga presidenti i Republikës, Ilir Meta.
