Nga foltorja e Kuvendit, kryetari i Partisë Demokratike, Lulzim Basha, deklaroi se “Trekëndëshi i Bermudës” kërkon të zbrazë Shqipërinë. Lideri demokrat tha se përmasat e krizës që ka “mbërthyer” vendin, ka kulmuar me masakrën zgjedhore.
Mes të tjerash ai ironizoi edhe PP-në e Check‐Up-it, ku sipas tij, burrat dalin shtatzënë dhe gratë me probleme në prostatë. Në vazhdën e akuzave, ai shtoi se kjo qeveri nuk është që të qeverisë, por të sundojë.
“Zonja dhe zotërinj, të dashur bashkëqytetarë. Kur mblidhesh në këtë sallë dhe shikon rendin e ditës, thua; lum si ne. Kur kalojnë ligje për mbrojtjen e fëmijëve thua; lum ky popull. Por kur shikon se çfarë ndodh në këtë vend, se si janë zhvatur 400 mln për fëmijët, nga një grup parafolësish, atëherë kupton se sa hipokritë dhe e kotë është gjithçka që rrjedh nga votimi i një pakice, nga hajdutët e inceneratorëve, mafia e plehrave. Kjo është arsyeja e vetmja se pse këta njerëz sundojnë.
Ata zbrazin Shqipërinë dhe mbushin xhepat e tyre. Mbi Shqipëri ka zbritur një krizë, krizë ekonomike, të barkut bosh të një në dy familje shqiptare. Prindërit nuk iu ofrojnë një arsim dinjitoz dhe t’ju ofrojnë shans për një jetë dinjitoze. Përmasat e kësaj krize janë bërë më të mëdha pas masakrës zgjedhore. Arrestimi i ndryshimit nga konglomerati i oligarkisë që është bërë njësh në këtë trekëndësh, nga ana tjetër interesat e një kauze, dhe një tjetër trekëndësh, që populli e njeh mirë si trekëndëshi i Bermudës.
Po bëjnë gjithçka që ta zbrazë vendin dhe ta heqin ata nga çdo zë, dhe të shndërrojnë Shqipërinë në çifligun e tyre. Në çifligun e tyre ka vend për të djegur plehrat e Italisë, Shqipërisë dhe rajonit. Në vendin e tyre paratë vazhdojnë që të hidhen në lumë për Check‐Up që i nxjerr burrat shtatzënë dhe gratë me prostatë. Sa herë që ndodh një fatkeqësi, si Klodian Rasha një vit më parë, na dalin në skenë kukulla me kostumi qeveritar, na vijnë në sallë për propozime ligjesh, ligje që nuk zbatohen kurrë. Kjo qeveri, që sundon vendin në paligjshmëri, nuk është që të qeverisë, por të sundojë. Nuk është që t’i shërbejë njerëzve. Mbajtja me çdo kusht e pushtetit sjell fatura të tilla, jetë të humbura në xhunglën e korrupsionit, që nga Ardit Gjoklaj dhe Klodian Rasha.
Hipokrizia do të ishte një fjalë ledhatuese në këtë situatë. Kjo është situatë kriminale. Ka ardhur këtu pasi të gjitha kolonat që bëjnë bashkë ngjizjen e një kohezioni të një qeverisje, ku ata që duken se janë kundër, i ka ortakë. Fakti është që prej vitesh kjo qeveri, ky kryeministër nuk i njohin dhe jo më t’i qajnë hallet njerëzve. Fakti është se ka më shumë se tre vjet që nga tërmeti dhe më pas pandemia, që kjo qeveri është ekspozuar jo thjesht si e korruptuar, por më e korruptuara e Ballkanit. Sa herë që ndodhem në këtë foltore, dua t’ju them se ky nuk është as urimi dhe konstatimi i imi apo i PD-së, por i DASH, sipas indeksit të Korrupsionit, Transparence Internacional, ku thuhet se; Shqipëria renditet si ndër vendet më të korruptuara në Ballkan”, tha Basha.
