Pas dhunës dhe arrestimeve të qytetarëve të Kukësit, pak çaste më parë kryetari i PD-së, Lulzim Basha ka dënuar terrorin e përdorur ndaj qytetarëve. Përmes një deklarate për mediat, Basha tha se me urdhër të Edi Ramës janë rrëmbyer qytetarët në mes të natës në kundërshtim të ligjit.
Basha i bëri thirrje edhe kryeprokurores së përkohshme duke i kujtuar dosjet me të cilat duhet të merret,duke larguar duart nga terrori politik ndaj qytetarëve. Ai rikujtoi edhe njëherë rastin e Arbri Cekajt, ku kompania e tij u kap në Maminas me një sasi të madhe droge, që sipas Bashës më pas ai u ndihmua të largohej fshehurazi nga vendi.
Basha në fund shtoi se qytetarët e Kukësir s’duhet të tremben, pasi janë në të drejtën e tyre legjitime. Sakaq, Basha theksoi para mediave se me Kukësin janë të gjithë duke filluar nga Kosova deri në Sarandë.
Deklarata e Bashës
Prokurori dhe Policia patën një javë për të arrestuar Arbër Cekajn, i cili së bashku me socialistët trafikuan 613 kg drogë, por jo vetëm që se bën, por e ndihmuan të largohet fshehurazi.
E njëjta polici dhe prokurori, kanë organizuar një superaksion në mes të natës dhe terrorizuan qytetarët e Kukësit. U hodh me urdhër të Edi Ramës në mes të natës për të arrestuar qytetarët më të varfër të Shqipërisë. Arrestimet në mes të natës, kanë vetëm një qëllim ka një qëllim dhe ai është nënshtrimi i tyre. Shumica e qytetarëve janë rrëmbyer në mes të natës, pa paraqitur asnjë urdhër. Më pas ata janë sjellë në Tiranë. Qytetarët kanë kallëzuar penalisht policinë dhe prokurorinë e Kukësit.
I bëj thirrje prokurores së përkohshme, e cila ka një të shkuar të njollosur të distancohet menjëherë nga ky akt.Prokuroria duhet të shpallë prioritet kombëtar luftën kundër drogës, dosjet e Saimir Tahirit, Dakos, Gjiknurit, Beqajt, Balilit, Habilajt, dhe kriminelëve të tjerë, që duhet të jenë fokusi i saj”, deklaroi Basha.
Ajo duhet5 të merret me dosjet e socialistëve, Habilajve, Halilajve. Qytetarët e Kukësit nuk duhet të tremben dhe nuk duhet të tërhiqen.Edi Rama po lufton që përmes trarëve të pasuroj veten. Kukësi është lënë pas dore, por ai popull nuk është zmbrapsur asnjëherë. Ne jemi me ju, e gjithë shqiptarët janë me ju. Nga Kosova në Sarandë.
