Kryesore

Basha në Selenicë: Kryebashkiaku në detyrë, derisa të bëhen zgjedhje demokratike

               Publikuar në : 13:43 - 11/07/19 M. S

Kreu i PD-së, Lulzim Basha, është takuar sot në Selenicë me strukturat partiake në këtë Bashki, e cila drejtohet nga Përparim Shameti i kësaj force politike. Kryedemokrati ka thënë në fjalën e tij se nuk janë në betejë për karrigen, por për interesin publik.

“Ne nuk jemi në betejë për karriget tona, shtoi Basha, por për të mbrojtur interesin publik, për ndryshimin rrënjësor të sistemit, që e keqja që solli Edi Rama, të mos përsëritet më kurrë”.

Teksa e ka cilësuar të pavlefshëm, antikushtetues dhe antiligjor zgjedhjet e zhvilluara më 30 Qershor, kreu i opozitës tha se: “Kryetari legjitim i Bashkisë së Selenicës është Përparim Shameti, dhe ai do të jetë në këtë pozicion derisa në vend të mbahen zgjedhje të rregullta e demokratike, në të cilat ai do të rikonfirmohet si kryebashkiak i Selenicës”.

Në Selenicë, lideri i opozitës vuri në dukje rëndësinë jetike për të qenë pranë qytetarëve në çdo kohë, në mënyrë që Partia Demokratike të fitojë besimin e sa më shumë votuesve, që refuzuan regjimin e Edi Ramës në 30 Qershor.

 

Kthehu
WhatsApp Denonco ne TT