Kryetari i Partisë Demokratike ka folur nga rrethrrotullimi i Bradasheshit në Elbasan, aty ku u bllokua aksi që lidh Juglindjen me Tiranën.
Basha ka shprehur mirënjohjen ndaj qëndresës së qytetarëve për mosbindjen civile, ndërsa bën shkaktar të krizës politike kryeministrin Rama. Sipas tij, ishte Rama ai që i mbylli dyert e integrimit evropian për Shqipërinë.
“Në këtë protestë janë bashkuar hallet dhe problemet e qindra mijërave të rinjve, të cilët sot jetojnë kohët më të pasigurta që ka njohur rinia. Të cilët po largohen se nuk gjejnë shpresë dhe mundësi, në një vend ku paratë publike shkojnë në xhepin e kriminelëve”, tha Basha.
Ndër të tjera, Basha thekoi se të rinjtë largohen nga vendi sepse nuk gjejnë shpresë, ndërsa shton se paratë publike të shqiptarëve shkojnë në xhepat e kriminelëve.
“Shqipëria po përjeton ditët më të zeza që nga shembja e diktaturës.
Kjo organizatë mashtroi për shëndetësinë falas, për rimbursimin e ilaçeve, nuk hapi asnjë vend pune por shkatërroi ekonominë. Edi Rama e ka vulosur vetë fatin e tij dhe nuk ka forcë që e shpëton”, deklaroi Basha.
Pjesë nga fjala e Bashës:
Mirënjohje për qëndresën qytetare për mosbindjen civile në këtë shesh dhe në 12 pika të infrastrukturës kombëtare.
Dua tu shpreh mirënjohje mijëra automobilistëve që janë bashkuar me protestën tonë, jo thjeshtë të ndalur në një trafik, por të vendosur që përmes solidaritetit dhe protestës e gjithë Shqipëria e bashkua dërgon një mesazh të qartë “Rama Ik”.
Shkaktari i krizës totale të Shqipërisë, që i mbylli dyert e integrimit evropian. Në këtë protestë janë bashkuar hallet dhe problemet e qindra mijërave të rinjve, të cilët sot jetojnë kohët më të pasigurta që ka njohur rinia. Të cilët po largohen se nuk gjejnë shpresë dhe mundësi, në një vend ku paratë publike shkojnë në xhepin e kriminelëve.
Fermerët vijnë se gjendja e tyre e papranueshme prej shumë vitesh ka arritur kufijtë e ekzistencës. Edi Rama ka shkaktuar mjerimin më të madh, papunësinë më të lartë.
Me Ramën nuk ka zhvillim, punësim, nuk ka Evropë. Me Ramën ka kriminalitet, drogë, papunësi, Shqipëria po përjeton ditët më të zeza që nga shembja e diktaturës.
Kjo organizatë mashtroi për shëndetësinë falas, për rimbursimin e ilaçeve, nuk hapi asnjë vend pune por shkatërroi ekonominë. Edi Rama e ka vulosur vetë fatin e tij dhe nuk ka forcë që e shpëton./ Tirana Today
