Në një takim me fermerët e Myzeqesë në Divjakë, kryedemokrati Basha paralajmëroi për të gjithë eksponentët e krimit, që sundojnë ende nga burgu. Ai tha se ende janë evidente rastet kur bota e krimit sundon nga burgu, duke shtuar se do të drejtojë një qeveri që do të vijë nga zgjedhjet e lira dhe të ndershme.
“Në kushtet e sotme, me fat është ai që del fyt e fyt, shumica jeni të zhytur në borxhe, dhe merrni borxhe për të larë borxhe. Askush nuk i kupton këto në kalçeton e korrupsionit.
Unë jam këtu, për ti kuptuar gjërat me sytë e shqiptarëve. Zgjidhja që ne ofrojmë, është zgjidhje e përbashkët që buron nga ky bashkëbisedim, dhe nga një qeveri e dalë nga vota e lirë e juaj.
Nuk do të jetë një qeveri e dalë nga krimi, nga Rrajët e Rrumat që diktojnë sot në qeveri. Zgjidhja do të vijë nga zgjedhjet e lira e të ndershme. Ne po punojmë që ju të zgjidhni sa më shpejt qeverinë që ju ofron programin, që ju mendoni se është më i miri për ju. Kush është në burg, dhe ka lidhje me krimin, do t’i ‘prihet’ gjuha. Nuk do të komandojnë nga burgu e të bëjnë afera. Duan të kapin drejtësinë, sepse e dinë se çfarë i pret nga drejtësia e vërtetë për zullumet që kanë bërë”, theksoi Basha.
