Kryetari i Partisë Demokratike, Lulzim Basha ka kërcënuar administratorin e OSHEE, i cili është caktuar nga kryeministri Edi Rama që të drejtojë fushatën politike të PS-së në Durrës, se e pret një fat më i zi se Vangjush Dako.
Ai tha se as Ardian Çela, as Tom Doshi dhe as Vangjush Dako nuk mund të mendojnë të vallëzojnë me shqiptarët në zgjedhjet e 25 prillit, pasi do të përballen me drejtësinë.
“Ardian Çelën e pret një fat më i zi se Vangjush Dako. Kupa është mbushur. Prokurori më i dobët në botë të jetë, ka lënë aq gjurmë sa do të ballafaqohet me drejtësinë. As Ard Çela, as Tom Doshi dhe as Vangjush Dako dhe askush tjetër që mendon se do të vallëzojë me shqiptarët në 24 prill nuk do t’i shpëtojë drejtësinë. Unë drejtësisë duart nuk do t’ia lidh. Mjerë ata që kanë hyrë në hak me shqiptarët”, tha Basha në Opinion.
