Kryetari i grupit të PS-së, Taulant Balla thotë se sa herë do kemi zgjedhje, Lulzim Basha ka frikë. Në studion e emisonit “Opinion” ai deklaroi se PD ka frikë nga drejtësia.
“Sa herë do kemi zgjedhje, Lulzim Basha ka frikë. Në shkurt të 2017, PD hyri në çadër dhe deklaronte se do bojkotonte zgjedhjet. Arsyeja përse ne bëmë marrëveshje në 2017 ishte për një ligj, pjesë e paketës në drejtësi. Ishte vettingu. Dhe në 25 qershor shqiptarët i besuan PS. Të enjten kemi në seancë dy vendime të rëndësishme për drejtësinë. Ne e kemi thënë që PD, sapo të ndërtohej SPAK do dilnin nga sistemi. Kërkon që të mos hapen negociatat”, deklaroi Balla. Sipas tij ky vendim i opozitës është një bojkot dhe jo djegie e mandateve.
“Në PD ende ka njerëz të përgjegjshëm që nuk do e vendosin partinë përballë SHBA”, theksoi Balla.
