Lulzim Basha ka dhënë një lajm të hidhur, teksa njofton se është ndarë nga jeta Luan Mustafaj, anëtar i Këshillit Kombëtar të Partisë Demokratike, ish-kryetar i PD-së Dega Patos.
Teksa i shpreh ngushëllimet familjes së të ndjerit, Basha shkruan se ai ishte një nga drejtuesit më të spikatur të qeverisjes lokale, dhe një ndër drejtuesit më aktivë të PD.
Kryedemokrati Basha shprehet se Patosi ka humbur një nga qytetarët e tij më të devotshëm, e ndërsa ai një mik dhe Partia Demokratike një prej anëtarëve dhe drejtuesve të saj më aktivë.
Statusi
Jam i hidhëruar nga lajmi tragjik i ndarjes nga jeta të Luan Mustafajit, anëtar i Këshillit Kombëtar të Partisë Demokratike, ish-Kryetar i PD-së Dega Patos dhe një ndër administratorët e spikatur të qeverisjes tonë lokale e qendrore gjatë gjithë këtyre tri dekadave. Ngushëllimet e mija më të ndjera bashkëshortes Natasha, fëmijëve, nënës dhe vëllezërve për humbjen e dhimbshme të bashkëshortit, babait, birit dhe vëllait të tyre të shtrenjtë. Patosi ka humbur një nga qytetarët e tij më të devotshëm, unë një mik dhe bashkëpunëtor të vyer dhe Partia Demokratike një prej anëtarëve dhe drejtuesve të saj më aktivë. U prehtë në paqe!
