Kreu i Partisë Demokratike, Lulzim Basha e ka quajtur një shfaqje të turpshme intervistën e Ramës për Bruno Vespan, ndërsa shtoi se është censuruar tek prononcimi i tij për emisionin e Bruno Vespas ‘Porta a Porta’. Sipas tij, marrëveshja ishte se do transmetohej 3 minuta e gjysmë, por emisioni ka transmetuar vetëm 1 minutë e gjysmë të intervistës së tij.
Në një lidhje telefonike për emisionin ‘Të Paekspozuarit’ në News24, Lulzim Basha tha se Rama është në grahmat e fundit dhe duhet shembur sistemi jo vetëm largimi i tij.
“Unë nuk merrem më me Ramën, se ai është përfaqësues i një sistemi të shembur. Ai mund të bredhë si Arafati dhe asnjë se pret. Qoka mund të bëjë me lekët e shqiptarëve, por këto janë grahmat e fundit të tij. Ajo që duhet të merremi tani nuk është aksioni qytetar deri në zhbërjen de fakto të asamblesë së krimit, por ajo që e duhet të merrmi është ajo pas kësaj. Është në sistem që duhet shembur. Unë bashkë me opozitën dhe qytetaret ti japim jetë një projekti të ti ri. Një person nuk duhet të ketë pushtet të pakufizuar. Duhet një parlament që të garantojë transparencën. Jo thjesht largimin e Ramës, por shembja e këtij sistemi. Ne duhet t’i japi fund këtij tranzicioni 30-vjeçar. Intervista te Bruno Vespa ishte një shfaqje e shëmtuar, siç e tha edhe Lubonja. Më kanë shkurtuar minutat, pasi marrëveshja ishte që do më jepnin tre minuta e gjysmë. Bëra një gabim. Por pak rëndësi ka kjo. Këto janë pleshtat e fundit të qenit që ka ngordhur“– tha Basha.
