Në kuadër të turit “Po të dëgjoj”, kryetari i Partisë Demokratike Lulzim Basha ka qenë sot në Kukës, ku është takuar me të rinjtë e këtij qyteti. Teksa i falenderoi për mikpritjen, lideri i opozitës është shprehur se emigrimi nuk është zgjidhje e tyre, por mundësia e vetme që iu le qeveria.
Kryedemokrati Basha shkruan në Facebook se në Kukësin e varfëruar, të rinjtë kërkojnë mundësi për të punuar, për të jetuar e për të zgjedhur.
Statusi
Në Kukësin e varfëruar e të harruar nga qeveria, të rinjtë kërkojnë mundësi për të punuar, mundësi për të jetuar, mundësi për të zgjedhur. Emigrimi nuk është zgjedhja e tyre, por oferta e vetme e kësaj qeverie për ta. Megjithatë i gjeta me zemrat plot me shpresë dhe me vendosmëri frymëzuese për ta ndryshuar këtë realitet, një orë e më parë. Faleminderit të rinjve dhe të rejave të Kukësit për mikpritjen prekëse, për bisedat dhe për frymëzimin që jeni dhe përcillni! #PotëDëgjoj
