Kreu i Partisë Demokratike, Lulzim Basha ka ndarë me demokratët një detaj të jetës private, gjatë takimit me qytetarë në Pogradec. Ai ka rrëfyer se sot feston 15-vjetorin e martesës me Aurelën, ndërsa shtoi se lidhjen me të e ka pagëzuar pikërisht në këtë qytet.
Fillimisht Basha ka bërë batuta me një të ri, të cilit i mori celularin dhe në këtë çast dikush i bie numrit të tij. Basha madje e ka hapur thirrjen, duke u përgjigjur “1 sekondë Desi se është në takim”.
Kjo ka shkaktuar të qeshura të salla, e më pas kryedemokrati pyet nëse nxori ndonjë sekret. Menjëherë Basha përfitoi nga batuta, për të treguar se sot ai dhe Aurela festojnë 15-vjetorin e kurorëzimit të dashurisë në martesë.
“Qyteti i dashurisë ky, nuk e them kot. Dua t’ju them dhe diçka personale se sot kam 15-vjetorin e martesës, por lidhjen me Aurelën e kam pagëzuar këtu në Pogradec, këtu te ‘Hotel Turizmi”, tha Basha duke qeshur.
