Kryedemokrati Basha mbajti sot një konferencë të përbashkët për median me presidenten në detyrë, Vjosa Osmani. Basha tha se pas 25 prillit, do të ketë kthesë rrënjësore te qasjes së Tiranës ndaj Prishtinës. Ai u shpreh se Kuvendi i ri do miratojë rezolutën për dënimin e genocidit serb, ndërsa një nga vendimet e para do jetë heqja e traut në ‘Rrugën e Kombit’.
“Kam kënaqësinë dhe nderin e veçantë t’i uroj mirëseardhjen Vjosa Osmanit. Dua ta falënderoj nga zemra për pritjen shumë të ngrohtë gjatë vizitës time në korrik në Prishtinë. Shkurtimisht dua të ndalem në 3 prej tyre, domosdoshmërinë për një qëndrim të unifikuar Tiranë-Prishtinë, në arenën ndërkombëtare sa i përket gjithçkaje që lidhet me Kosovën. Dua të përsëris zotimin tim dhe të PD se pas 25 prilit, do këtë një kthesë rrënjësore të qasjes së Tiranës, në vendosjen e marrëdhënieve Shqipëri-Kosove në plan të parë”, tha Basha.
Kreu i PD-së bëri një zotim publik në emër të tij, dhe të partisë që drejton, se pas ardhjes në pushtet do të forcojë edhe më shumë bashkëpunimin institucional me Kosovën.
Lideri demokrat tha se kur PD të vijë në pushtet, do të miratojë një rezolutë për dënimin e krimeve nga ana e Serbisë. “Duhet qëndrim i unifikuar për Kosovën. Zotimin tim se pas 25 prillit do të ketë një qëndrim ndryshe të qasjes së Tiranës ndaj marrëdhënieve Shqipërisë-Kosovë në rrafsh të parë. Duke zhbërë atë që ka konstatuar dhe komisioni Evropian, një rënie të bashkëpunimit.
Në themel kanë qëndruar çështjet kombëtare. Kemi bërë gjithçka për njohjen e Kosovës. Jam i brengosur se nga një fat i tillë për Kosovës, Prishtina zyrtare dhe populli i Kosovës nuk ka mbështetje që duhet të ketë nga Shqipëria. Në këtë kuadër zotohem se Kuvendi i ri do të miratojë jo thjesht dhe vetëm, me vonesë, për të dënuar gjenocidin e serbëve në Kosovë. Por do të obligoje institucionet e Shqipërisë që të jenë në mbrojtje të institucioneve të Kosovës. S’mund të lejojmë që historia të rishkruhet nga agresorët. S’mund të lejojmë që të nëpërkëmben nga ata që bënë agresorin, dhe shkaktojnë aq shumë vuajtje. Në këtë kuadër do të vazhdojmë që të mbështesim dialogun Serbi-Kosovë, mes dy vendeve, për të përfunduar një kapitull të dhimbshëm dhe për të hapur një kapitull të stabilitetit. Kjo më sjell tek çështja e dytë që diskutuam; nevoja për bashkëpunim ekonomik”, tha Basha.
